menimde bu adda serim var....


geceler bir esen mehe donecem
men seni ulduzdan baxib gorecem
her gun yaddasina gelib deyecem
sen meni unuda bilmeyeceksen

ugurlar!!!..........................hec ne mence unudulmurr bundan emin olmaq lazimdi...

Fevral 6, 2008 15:24

Həyat yaşanandan sonra...

Həyat yaşanandan sonra,
Qızlar sevilməmişdən öncə,gözəl olur.
Xoşbəxtlik olmamışdan öncə,
Bədbəxtlik olandan sonra gözəl olur.
Yalançılar yalanları qədər,
Yalanlar üzə çıxana qədər gözəl olur.
Düşüncələr azad olduqları qədər,
Insanlar düşünə bildikləri qədər gözəl olur.
Yaradan yarada bildiyi qədər,
Yaradılan anlaya bildiyi qədər, gözəl olur.
Cahillər bir yerdə olanda,
Dahilər tənha olanda gözəl olur.
Ağil imkanla birləşəndə,
Səviyyə mühitlə birləşəndə, gözəl olur.
Qanunsuzluq heç kimə tətbiq olunmayanda,
Qanunlar hər kəsə tətbiq olunanda, gözəl olur.
Mədəniyyət hər şey olanda,
Nifrət heç nə olmayanda gözəl olur.
Məhəbbət ilk baxişda,
Ölüm son baxişda gözəl olur.
Eybəcərliklər adiləndən sonra,
Gözəlliklər eybəcər olana qədər, gözəl olur.

Raqif RAUFOĞLU - 24.10.2007.

Fevral 7, 2008 18:46

YUXULAR

Dirilərə baxıram,
Nə həvəslə uyuyur,
Dəhşət yuxularında.
Ölülərə baxıram,
Nə həvəslə yaşayır,
Rəhmət yuxularında.
Ölülər də gözləyir,
Dirilər də gözləyir,
Müddət yuxularında.
... Qadınlar batıb gedir,
Günləri satıb gedir,
Qeybət yuxularında.
Kişilər vətən deyib,
Qadınını axtarır,
Qeyrət yuxularında.
Qocalar uşaq kimi,
Ikili dünyadadır:
Qəfət yuxularında,
Cənnət yuxularında.
... Yuxular harda yatır?
Mən yuxusuz qalanda
Zəhmət yuxularında.
... Mən ayrı dünyadayam,
Sən, darıxma sevgilim,
Tez-tez görüşəcəyik,
Xəlvət, yuxularında...

Fevral 7, 2008 18:47